On bir ýyl gazanan ähli abraýmy,
Sygdyryp birnäçe gysgajyk nama.
Ýürekden,ýüregiň bärsinden gaýdan
Sözler kän ýazyldy ýaşyl lentama.

Kimler üstünligi arzuw edipdir,
Ýene kimler baýlyk,howly,maşyny.
Şo ýaşda nirden bilsinler olar
Ýokarkylaň bezemeýşin kişini.

Jübimde undulyp,zerur çagynda,
Çykan ownuk pul deý gyzyla dönüp,
Çykaýjak deý dörýän lentany gaýta
Gözledikçe gitdi umydym sönüp.

Ol ýekeje sözdi, emma dünýäde,
Ulanan sözlermiň baryndan süýji.
Amyderýaň suwy,dutaryň sazy,
Gözel Sumbaryňam naryndan süýji.

Ol sözi iň ýakyn joraňa aýdyp,
Iň bir mätäç söze dözmänsiň gülüm.
Gyzlara söýmeklik uýatdyr öýdüp,
Şol gün lentama-da ýazmansyň gülüm.

Kerim Hally#